نئی دہلی،09؍مارچ(ایس او نیوز؍آئی این ایس انڈیا) اربوں روپے کی بینک جعل سازی کے ملزم نیرو مودی کے لندن میں رہنے اور وہاں کی سڑکوں پر سرعام پھانسی سے منسلک خبر کو لے کر کانگریس نے سنیچر کو وزیر اعظم نریندر مودی پر حملہ بولا اور سوال کیا کہ آخر یہ بھگوڑے کس کے تحفظ میں عیش و آرام کی زندگی جی رہا ہے۔پارٹی نے یہ بھی الزام لگایا کہ ہزاروں کروڑ روپے لوٹ کرعیش میں زندگی گزارنا اس حکومت میں ہی ممکن ہے۔کانگریس کے ترجمان پرینکا چترویدی نے صحافیوں سے بات چیت میں دعوی کیا کہ وزیر اعظم کے دفتر کو نیرو مودی کے بارے میں پہلے ہی شکایت کی گئی تھی، لیکن کوئی قدم نہیں اٹھایا گیا، کیونکہ وزیر اعظم خود چاہتے تھے کہ نیرو مودی ملک سے فرار ہو جائے۔انہوں نے یہ بھی دعوی کیا کہ وزیر اعظم کو بہت پہلے ہی نیرو اور’’ میہل بھائی‘‘ (میہل چوکسی) کے سارے کارناموں کی پوری جانکاری تھی۔پرینکا نے الزام لگایاکہ مودی جی نے گھوٹالے بازوں اور چوروں کے لئے نہ صرف ناممکن کو ممکن کیا، بلکہ حمایت بھی دی ہے۔ انہوں نے کہاکہ ملک آج چوکیدار سے سوال پوچھ رہا ہے کہ نیرو مودی کس کے تحفظ میں لندن میں عیش و آرام کی زندگی جی رہا ہے؟۔نیرو مودی معاملے پر وزارت خارجہ کے بیان کو لے کر کانگریس کے ترجمان نے کہا کہ حکومت نے گزشتہ اگست مہینے میں حوالگی کی اپیل کی۔اس کے بعد سے برطانیہ کی حکومت پر دباؤ کیوں نہیں بنایا گیا؟ جس متاثر کن سفارتکاری کا ڈھول پیٹا جاتا ہے، اس کا استعمال کیوں نہیں ہوا؟ وزارت خارجہ نے کہا ہے کہ برطانیہ اب بھی نیرو مودی کی حوالگی کے ملک کی درخواست پر غور کر رہا ہے۔ہندوستان اس حوالگی کے لئے ہر ممکن کوشش کر رہا ہے۔اس سے پہلے پارٹی کے مرکزی ترجمان رندیپ سرجیوالا نے ٹویٹ کر کہاکہ ملک کا 23000 روپے کروڑ لوٹ کر لے جاؤ، بغیر روک ٹوک ملک سے بھاگ جاؤ، پھر وزیر اعظم کے ساتھ بیرون ملک فوٹوکھنچواؤ، لندن میں 73 کروڑ روپے کے عیش میں زندگی گزارتے ہیں،بجھو، میں کون ہوں، ارے چھوٹے مودی، اور کون!۔ انہوں نے الزام لگایاکہ جب مودی بھے کوتوال، تو ڈر کاہے کا۔مودی ہے تو ممکن ہے!۔ برطانیہ کے ایک بڑے اخبار ’ٹیلی گراف‘ نے اپنی خبر میں دعوی کیا ہے کہ نیرو مودی لندن میں ایک پرتعیش اپارٹمنٹ میں رہتا ہے اور وہاں کی سڑکوں پر گھما،اخبار کی جانب سے جاری ایک ویڈیو میں دکھائی دے رہا ہے کہ رپورٹر کے سوالات پر نیرو نے بار بار کہا کہ کوئی تبصرہ نہیں۔